上回網友CC祝小弟面上暗瘡快快遠離我，搞到小弟緊張萬分，差不多日日忙於做Facial，連Blog都冇時間update！
事實上，早陣子真的有很多事掛心，精神壓力大得像千個炸彈，在我不足一個平方呎的臉龐上，連珠爆發，使得本已不大俊俏的中年男子，變得更樣衰！
在我字典裏，「樣衰」可作兩解：一指外貌難看，另解在人前出醜；今天當看到張文新的醉駕新聞照片時，朱培慶的夜遊剪影又再在腦海泡現！．．．慶幸小弟唔係公眾人物，如果唔係，有人將我過往嘅所作所為放上YouTube，都係一樣「樣衰」，冇面見人！
我相信，亦親身經歷過，當一個人要做一件明知係錯事嘅時候，佢內心一定有一個佢認為係對嘅原因！．．．若你不明我所言，那便要恭喜你，因你應該未試過「明知故犯」啊！
