冇面見人

上回網友CC祝小弟面上暗瘡快快遠離我，搞到小弟緊張萬分，差不多日日忙於做Facial，連Blog都冇時間update！

事實上，早陣子真的有很多事掛心，精神壓力大得像千個炸彈，在我不足一個平方呎的臉龐上，連珠爆發，使得本已不大俊俏的中年男子，變得更樣衰！

在我字典裏，「樣衰」可作兩解：一指外貌難看，另解在人前出醜；今天當看到張文新的醉駕新聞照片時，朱培慶的夜遊剪影又再在腦海泡現！．．．慶幸小弟唔係公眾人物，如果唔係，有人將我過往嘅所作所為放上YouTube，都係一樣「樣衰」，冇面見人！

我相信，亦親身經歷過，當一個人要做一件明知係錯事嘅時候，佢內心一定有一個佢認為係對嘅原因！．．．若你不明我所言，那便要恭喜你，因你應該未試過「明知故犯」啊！

Happy Birthday to me...

很久沒有大顆兒為自己慶祝......多謝一班友好同事!特別係David, 因為佢好有心, 黃昏即興急召K歌之王、K歌之后!

很久沒有同十多歲的小妹妹唱K......多謝Amon, 偕同18都未夠嘅妹妹獻唱多首我才第一次聽到嘅「流行曲」, 不禁要自封「 K場阿叔」!

很久沒有放「生日假」......多謝我的BB! 他的皮膚出現紅腫痕癢, 快要把我傳染過來, 今天不得不帶他......見醫生, 不! 是先剪毛, 因毛太長, 很難給醫生看到患處啊!

回歸十周年 回想千百變

昨日太太生日，晚上大夥兒卡拉OK慶祝，席間有小妹妹「投訴」我個Blog好耐冇update！解釋多被指為掩飾，索性趁七一回歸，來個生活回想吧．．．

想起九七年跟今日的不同，真是別有滋味－－

當年身邊女孩不止一人，今日心中只想有一個女人！

當年晚晚一個人睡，今時今日床上總會有位美少女！

九七年銷售工作一人做事一人當，零七年管理團隊事事都好似要擔當！

九七金融風暴見客不提投資，零七股市暢旺基金表現我必定要知！

當年剪髮幾十蚊，而家理髮要二三百．．．因為要包埋「立即變黑」果隻染髮服務費嘛！
當年近視度數逾一千度，今年視光師話我視力退化到離晒譜，好彩我出街仲睇到路！

．．．

回想十年，上天對我不薄，我會以感恩嘅心走我未來十年、廿年，甚至幾十年嘅每一天！．．．如果上帝容許嘅話！

做隻貓,做隻狗,不做忙人!

上月一篇「死亡筆記」遭網友青青連番「狙擊」回應後，我深明寫Blog難，寫有深度的Blog更難！正如做人難，做都市人亦難，做個忙碌的都市人更難．．．

有時候，會聽到身邊有人講：「近排做嘢忙到隻狗咁呀！」對於每晚都以狗作伴的我來說，我不敢「狗」同以上嘅講法！

我的狗兒BB和黑仔每日只有四個活動－－瞓覺、食嘢、排便．．．同埋發癲咁吠！所以佢哋忙極有個限度，唔駛好似忙碌都市人咁，要用Pocket PC 嚟Planning Schedule！

查實，做狗會唔會好過做人呢？！

係喎，講開狗狗，如果你對貓貓都有興趣嘅話，可以去睇睇我朋友嘅Partner嘅手工作品，好Cute呀， 喺「AM730」都介紹報導過！

http://picasaweb.google.com.hk/kamfumui/NNUlgI

死亡筆記

　　睇到明報網上新聞標題：「龔如心癌症病逝 積財328億無福消受」；今日在茶餐廳食早餐，在茶樓飲午茶，不止一次聽到有人聲傳到耳邊：「真係多多錢都冇用，人始終要死！」（可能正值清明，人人百無禁忌！）

　　其實，唔駛講都知，人人都有一死．．．咁係咪應該在人人都話要策劃退休生活之同時，亦係時候為自己「死後生活」做個準備呢？！

香港小姐

上個禮拜公司在會展搞周年頒獎禮暨晚宴，請來香港小姐朱凱婷同我拍檔做司儀。過去幾年，我為不少宴會活動做「業餘司儀」，雖未稱得上「金牌」，但觀眾之掌聲同笑聲，讓我相信自己係可以做到風趣幽默，兼且揮灑自如！
不過，面對這個專業認真，並且大型豪華的製作，我這微不足道的司儀，立時變得生硬緊張，儼如一個機械人，只會一味讀稿（仲要讀錯！），表現連自己都慘不忍睹！
事實上，當朱凱婷挽著我的臂彎從後台出場時，我整個人已經．．．

真情流露

尋晚去捧朋友結婚場，新郎型，新娘索，男司儀夠放夠直，有賤版葛文輝 feel．．．難忘新娘無論在宣讀結婚誓詞，抑或開場時多謝雙親，總感動到差點講不出話來；新娘父親上台分享時亦流露鐵漢柔情一面．．．好一句「盡在不言中」！

無疑，人總需要一些時刻去真情流露呢！

心血來潮

今天心血來潮想起再次開 Blog分享, 首先 post 張豪照俾大家「欣賞」一下!!