上月一篇「死亡筆記」遭網友青青連番「狙擊」回應後，我深明寫Blog難，寫有深度的Blog更難！正如做人難，做都市人亦難，做個忙碌的都市人更難．．．
有時候，會聽到身邊有人講：「近排做嘢忙到隻狗咁呀！」對於每晚都以狗作伴的我來說，我不敢「狗」同以上嘅講法！
我的狗兒BB和黑仔每日只有四個活動－－瞓覺、食嘢、排便．．．同埋發癲咁吠！所以佢哋忙極有個限度，唔駛好似忙碌都市人咁，要用Pocket PC 嚟Planning Schedule！
查實，做狗會唔會好過做人呢？！
係喎，講開狗狗，如果你對貓貓都有興趣嘅話，可以去睇睇我朋友嘅Partner嘅手工作品，好Cute呀， 喺「AM730」都介紹報導過！
5 則留言:
問題唔係貓狗唔洗忙，而係【有人養的】貓狗唔洗忙。
若果有人養我的話，我一樣會好得閑。
若果為了要得閑D就想去做狗，不如高檔D，揀熊貓，唔洗做都能促進外交，生個仔出來仲有國家級照顧。
其實做人都可以只有瞓覺,食野同屙屎架! 忙唔忙係由你自己去決定既者...不過就係因為有好多事情都有決定權,人先至會多野諗,做一個決定又會去考慮opportunity cost,決定完又可能會後悔,三心兩意...結論:做狗比較好...
好得意呀! 最鍾意"dup"耳貓, 你個fd係咪整0黎賣0架? 多d顏色好d喎, 俾d意見佢呀!
寫Blog唔駛一定要有深度架,只要係發自內心o既分享就得啦!我一直都有睇你o既Blog架!但你知啦,我打字仲慢過蜗牛,所以而家先至o羊o羅......
你介紹d手工作品真係唔錯呀!如果有得買就話我知,因為我有個friend係典型o既愛貓之人.
發佈留言